BESCOM : Bangalore Electricity Supply Company Limited

SMS: 58888
Helpline: 1912
9449844640

ಆರ್ ಎ ಪಿ ಡಿ ಆರ್ ಪಿ (ಭಾಗ ಬಿ)ದ ಬಗ್ಗೆ

ಪರಿಚಯ:

ಭಾರತ ಸರ್ಕಾರವು ತನ್ನ ೧೧ನೆಯ ಯೋಜನೆಯಲ್ಲಿ, ಪುನಾರಚಿತ ತ್ವರಿತ ವಿದ್ಯುತ್ ಅಭಿವೃದ್ಧಿ ಸುಧಾರಣಾ ಯೋಜನೆಯನ್ನು ಪರಿಷ್ಕೃತ ಷರತ್ತು ಹಾಗೂ ನಿಬಂಧನೆಗಳೊಡನೆ ಒಂದು ಕೇಂದ್ರ ಸರ್ಕಾರದ ಯೋಜನೆಯನ್ನಾಗಿ ಮುಂದುವರೆಸಬೇಕೆಂದು ಪ್ರಸ್ತಾಪಿಸಿತು. ಈ ಕಾರ್ಯಕ್ರಮದ ಉದ್ದೇಶ ಕೆಳಕಂಡವುಗಳ ಪರವಾಗಿರತಕ್ಕದ್ದು:
  • ನಷ್ಟ ಪ್ರಮಾಣವನ್ನು ಸಮರ್ಥವಾಗಿ ಪ್ರಾತ್ಯಕ್ಷಿಕವಾಗಿ ಇಳಿತಗೊಳಿಸುವ ವಾಸ್ತವಿಕ ಕಾರ್ಯಸಾಧನೆಯಾಗಿರತಕ್ಕದ್ದು.
  • ವಿತರಣಾ ಕಂಪೆನಿಗಳಲ್ಲಿ ತಾಂತ್ರಿಕ ಹಾಗೂ ವಾಣಿಜ್ಯ ನಷ್ಟ ಪ್ರಮಾಣವನ್ನು ಸಮಗ್ರವಾಗಿ ಇಳಿತಗೊಳಿಸುವಲ್ಲಿ ಕಾರ್ಯಯೋಜನೆಗಳು.
  • ವಾಸ್ತವಿಕ ದತ್ತ ಮಾಹಿತಿಯನ್ನು ಪಡೆದುಕೊಳ್ಳಲು ಭರವಸಾಪೂರ್ವಕ ಹಾಗೂ ಸ್ವನಿರ್ವಹಿತ ವ್ಯವಸ್ಥೆಯನ್ನು ಸ್ಥಾಪಿಸುವುದು.
  • ವಿತರಣಾ ವ್ಯವಸ್ಥೆಯನ್ನು ಉನ್ನತೀಕರಿಸುವ ಯೋಜನೆಗೂ ಮುನ್ನ ವಿದ್ಯುತ್ ಬಳಕೆ ಲೆಕ್ಕೀಕರಣ ಪ್ರದೇಶಗಳಲ್ಲಿ ಮಾಹಿತಿ ತಂತ್ರಜ್ಞಾನ ಅಳವಡಿಕೆ.

ಉದ್ದೇಶಗಳು:

ಮುಂದಿನ ೫ ವರ್ಷಗಳಲ್ಲಿ ಆಯ್ದ ಪಟ್ಟಣಗಳಲ್ಲಿ ತಾಂತ್ರಿಕ ಹಾಗೂ ವಾಣಿಜ್ಯ ನಷ್ಟ ಪ್ರಮಾಣವನ್ನು ಶೇಕಡಾ ೧೫ರಷ್ಟು ಇಳಿತಗೊಳಿಸುವುದು. ವಿದ್ಯುತ್ ಸರಬರಾಜು ಕಂಪೆನಿಗಳ ಸಮಗ್ರ ತಾಂತ್ರಿಕ ಹಾಗೂ ವಾಣಿಜ್ಯ ನಷ್ಟ ಪ್ರಮಾಣವನ್ನು ವಾರ್ಷಿಕವಾಗ ಇಳಿತಗೊಳಿಸುವುದು:-
  1. ಶೇಕಡಾ ೩೦ಕ್ಕಿಂತ ಅಧಿಕ ನಷ್ಟ ಪ್ರಮಾಣವಿರುವೆಡೆ ವಾರ್ಷಿಕವಾಗಿ ಶೇಕಡಾ ೩ರ ಪ್ರಮಾಣದಲ್ಲಿ ಇಳಿತಗೊಳಿಸುವುದು.
  2. ಶೇಕಡಾ ೩೦ಕ್ಕಿಂತ ಕಡಿಮೆ ನಷ್ಟ ಪ್ರಮಾಣವಿರುವೆಡೆ ವಾರ್ಷಿಕವಾಗಿ ಶೇಕಡಾ ೧.೫ರ ಪ್ರಮಾಣದಲ್ಲಿ ಇಳಿತಗೊಳಿಸುವುದು

ನಿಧಿ ಪಡೆಯುವಿಕೆಯ ಮೂಲಗಳು:

ಭಾಗ-ಬಿ ಗೆ ಭಾರತ ಸರ್ಕಾರವು ಶೇಕಡಾ೨೫ರಷ್ಟು ಸಾಲವನ್ನು ಒದಗಿಸುತ್ತದೆ. ಉಳಿದ ಶೇಕಡಾ೭೫ರಷ್ಟನ್ನು ಆರ್ಥಿಕ ಸಂಸ್ಥೆಗಳು/ಗ್ರಾ.ವಿ.ನಿ/ಪಿ.ಎಫ್.ಸಿ.ಮುಂತಾದವರಿಂದ ಪಡೆದುಕೊಳ್ಳತಕ್ಕದ್ದು.
  • ಸ್ವಾಯತ್ತ ಸಂಸ್ಥೆ
  • ಯೋಜಿತ ಪ್ರದೇಶಗಳಲ್ಲಿ ತಾಂತ್ರಿಕ ಹಾಗೂ ವಾಣಿಜ್ಯ ನಷ್ಟ ಪ್ರಮಾಣವನ್ನು ಸಮಗ್ರವಾಗಿ ಶೇಕಡಾ ೧೫ರಷ್ಟು ಕಡಿಮೆಗೊಳಿಸಿ, ಇದನ್ನು ಸ್ವಾಯತ್ತ ಸಂಸ್ಥೆಯೊಂದರಿಂದ ಮೌಲ್ಯೀಕರಣಗೊಳಿಸುವ ಮೂಲಕ ಭಾಗ-ಬಿಗೆ ಪಡೆದಿರುವ ಶೇಕಡಾ ೫೦ರಷ್ಟು ಸಾಲದ ಮೊತ್ತವನ್ನು ಅನುದಾನದ ರೂಪದಲ್ಲಿ ಐದು ಸಮಾನ ಕಂತುಗಳಲ್ಲಿ ಐದು ವರ್ಷಗಳ ಅವಧಿಯಲ್ಲಿ ಪರಿವರ್ತಿಸಲಾಗುವುದು. ಯಾವುದೇ ಒಂದು ನಿರ್ದಿಷ್ಟ ವರ್ಷದಲ್ಲಿ, ವಿತರಣ ಕಂಪೆನಿಯು ಈ ಇಳಿಕೆಯ ಪ್ರಮಾಣವನ್ನು ಸಾಧಿಸಲು ವಿಫಲವಾದಲ್ಲಿ, ಆ ವರ್ಷದ ಕಂತಿನ ಪರಿವರ್ತಿತ ಅನುದಾನವನ್ನು ಶೇಕಡಾ ೧೫ರಷ್ಟರ ಮಟ್ಟಿಗೆ ಕೊರತೆ ಕಂಡುಬಂದ ಪ್ರಮಾಣಕ್ಕೆ ಕಡಿಮೆಗೊಳಿಸಲಾಗುವುದು.
  • ಉತ್ತಮ ಗುಣಮಟ್ಟ ಮತ್ತು ಕಾಲಮಿತಿಯೊಳಗೆ ಕಾಮಗಾರಿಯನ್ನು ಪೂರ್ಣಗೊಳಿಸಲು, ಮಂಜೂರಾದ ವಿವರವಾದ ಯೋಜನಾ ವರದಿ ಕಾಮಗಾರಿಯನ್ನು ಟರ್ನ್ ಕೀ ಆಧಾರದ ಮೇಲೆ ನಿರ್ವಹಿಸತಕ್ಕದ್ದು

ಪುನಾರಚಿತ ತ್ವರಿತ ವಿದ್ಯುತ್ ಅಭಿವೃದ್ಧಿ ಸುಧಾರಣಾ ಯೋಜನೆಯ ಪ್ರಧಾನ ಅಂಶಗಳು :

  • ವಾಣಿಜ್ಯಾತ್ಮಕ ಕಾರ್ಯಸಾಧ್ಯತೆಯನ್ನು ಪಡೆಯುವುದು
  • ಅಡಚಣೆ ಮತ್ತು ನಿಲುಗಡೆಯನ್ನು ತಪ್ಪಿಸುವುದು
  • ಗ್ರಾಹಕರನ್ನು ಹೆಚ್ಚು ತೃಪ್ತರನ್ನಾಗಿಸುವುದು

ಕಾಮಗಾರಿಯ ಗುರಿ:

  • ೬೬ ಅಥವಾ ೩೩ ಕೆವಿ ಮಾರ್ಗ: ಹೊಸ ಫೀಡರ್/ಫೀಡರುಗಳನ್ನು ಪ್ರತ್ಯೇಕಗೊಳಿಸುವುದು/ಉನ್ನತೀಕರಣ
  • ೬೬/೧೧ ಅಥವಾ ೩೩/೧೧ ಕೆವಿ ಉಪ ಕೇಂದ್ರ: ಹೊಸತು/ಉನ್ನತೀಕರಣ
  • ೧೧ ಕೆವಿ ಮಾರ್ಗ: ಹೊಸ ಫೀಡರ್/ಫೀಡರನ್ನು ಪ್ರತ್ಯೇಕಿಸುವುದು
  • ವಿತರಣ ಪರಿವರ್ತಕ: ಸಾಮರ್ಥ್ಯ ಉನ್ನತೀಕರಣ/ಹೊಸ ಪರಿವರ್ತಕ
  • ಎಲ್.ಟಿ.ಮಾರ್ಗ: ಹೊಸ ಫೀಡರ್/ಫೀಡರನ್ನು ಪ್ರತ್ಯೇಕಿಸುವುದು
  • ಏರಿಯಲ್ ಬಂಚ್ ಕೇಬಲ್
  • ಗ್ರಾಹಕ ಸ್ಥಾಪನಕ್ಕೆ ಮಾಪಕ ಅಳವಡಿಕೆ
  • ಸಂಚಾರಿ ಉಪಕೇಂದ್ರಗಳು ಮತ್ತು ಇತರೆ

ಭಾಗ -ಬಿ ಗೆ ಪೂರ್ವ ಅವಶ್ಯಕತೆಗಳು:

  • ಪಟ್ಟಣಗಳು/ಯೋಜಿತ ಪ್ರದೇಶಗಳನ್ನು ಆರ್-ಎ.ಪಿ.ಡಿ.ಆರ್.ಪಿ.ಯ ಭಾಗ-ಎ ನಲ್ಲಿ ಒಳಪಡಿಸಿರುವುದು.
  • ಪಟ್ಟಣಗಳು/ಯೋಜಿತ ಪ್ರದೇಶಗಳಲ್ಲಿ ಸಮಗ್ರ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟ ಪ್ರಮಾಣವು ಶೇಕಡಾ ೧೫ಕ್ಕಿಂತ ಅಧಿಕವಾಗಿರಬೇಕು.
ಇಂಧನ ಸಚಿವಾಲಯವು ಹೊರಡಿಸಿರುವ ಭಾಗ-ಬಿ ಗೆ ಪ್ರಮುಖ ಮಾರ್ಗದರ್ಶಕಗಳು:
ಹೆಚ್ಚಿನ ವಿವರಗಳಿಗಾಗಿ www.apdrp.gov.in ನ್ನು ಪರಿಶೀಲಿಸಿ.
  • ಆಯಾ ಸಂಸ್ಥೆಗಳು, ಇಡೀ ಸಂಸ್ಥೆಯ ಮಟ್ಟದಲ್ಲಿ, ಭಾಗ-ಎ ಯೋಜನೆಯು ಪೂರ್ಣಗೊಂಡ ವರ್ಷದಿಂದ, ವರ್ಷದಿಂದ ವರ್ಷಕ್ಕೆ ಪ್ರತಿ ವರ್ಷ ಸಮಗ್ರ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟ ಪ್ರಮಾಣವನ್ನು ಇಳಿತಗೊಳಿಸುವ ಕಾರ್ಯಸಾಧನೆ ಮಾಡತಕ್ಕದ್ದು.
  • ಶೇಕಡಾ ೩೦ಕ್ಕಿಂತ ಹೆಚ್ಚಿನ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟ ಹೊಂದಿರುವ ಸಂಸ್ಥೆಗಳು ಪ್ರತಿ ವರ್ಷ ಶೇಕಡಾ ೩ ರಷ್ಟು ಇಳಿತಗೊಳಿಸತಕ್ಕದ್ದು.
  • ಶೇಕಡಾ ೩೦ಕ್ಕಿಂತ ಕಡಿಮೆ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟ ಹೊಂದಿರುವ ಸಂಸ್ಥೆಗಳು ಪ್ರತಿ ವರ್ಷ ಶೇಕಡಾ ೧.೫ ರಷ್ಟು ಇಳಿತಗೊಳಿಸತಕ್ಕದ್ದು.
  • ಭಾಗ-ಬಿ ಯೋಜನೆಯನ್ನು, ಮಂಜೂರಾದ ದಿನಾಂಕದಿಂದ ಮೂರು ವರ್ಷಗಳೊಳಗೆ ಪೂರ್ಣಗೊಳಿಸತಕ್ಕದ್ದು.
  • ಎಲ್ಲಾ ಉದ್ದೇಶಗಳಿಗಾಗಿ, ಭಾಗ-ಬಿ ಕಾಮಗಾರಿಗಳು ಪ್ರಾರಂಭಗೊಳ್ಳುವ ಮುಂಚೆ, ಆ ಯೋಜಿತ ಪ್ರದೇಶದಲ್ಲಿ ಸ್ವಾಯತ್ತ ಸಂಸ್ಥೆಯೊಂದು ನಡೆಸಿದ ಅಧ್ಯಯನದಿಂದ ಕಂಡುಬಂದ ಮೌಲ್ಯೀಕರಣದ ಪ್ರಕಾರದ ಸಮಗ್ರ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟ ಪ್ರಮಾಣವನ್ನೇ ಮೂಲ ಪ್ರಮಾಣವೆಂದು ಪರಿಗಣಿಸಲಾಗುವುದು.
  • ಸಂಸ್ಥೆಯು, ಯೋಜಿತ ಪ್ರದೇಶವನ್ನು ರಿಂಗ್ ಫೆನ್ಸಿಂಗ್ ಮೂಲಕ ಗುರುತು ಮಾಡಿ ಖಚಿತಪಡಿಸತಕ್ಕದ್ದು.
  • ಭಾಗ-ಬಿಯನ್ನು ಅನುಷ್ಠಾನಗೊಳಿಸುವ ಮುನ್ನ, ಸಂಸ್ಥೆಯು ಸಮಗ್ರ ತಾಂತ್ರಿಕ ಮತ್ತು ವಾಣಿಜ್ಯ ನಷ್ಟದ ಮೂಲ ಪ್ರಮಾಣವನ್ನು ಗೊತ್ತುಪಡಿಸಿಕೊಂಡಿರತಕ್ಕದ್ದು.
  • ಯೋಜನೆಯ ಹೂಡಿಕೆಯ ಮರುಗಳಿಕೆ ಪ್ರಮಾಣವು ಶೇಕಡಾ ೧೦ಕ್ಕಿಂತ ಕಡಿಮೆ ಇರಬಾರದು.
  • ಯೋಜನೆಯನ್ನು ಸಮಗ್ರ ಟರ್ನ್ ಕೀ ಆಧಾರದ ಮೇಲೆ ನಿರ್ವಹಿಸತಕ್ಕದ್ದು.
ಮಾರ್ಗದರ್ಶಕದ ಪ್ರಕಾರ, ಬೆವಿಕಂಪನಿಯ ೨೪ ಪಟ್ಟಣಗಳಿಗೆ ವಿವರವಾದ ಯೋಜನಾ ವರದಿಯನ್ನು ಸಿದ್ಧಪಡಿಸಿದ್ದು, ರೂ.೨೯೦.೨೮ಕೋಟಿ ಮೊಬಲಗಿಗೆ ಮಂಜೂರು ಮಾಡಲಾಯಿತು. ಬೆವಿಕಂಪೆನಿಯು ಈ ೨೪ ಪಟ್ಟಣಗಳಿಗೆ ಭಾಗ-ಬಿಯ ಆರ್-ಎ.ಪಿ.ಡಿ.ಆರ್.ಪಿ. ಯೋಜನೆಯ ಕಾಮಗಾರಿಗಾಗಿ ರೂ.೨೯೦.೨೮ಕೋಟಿ ಮೊಬಲಗಿಗೆ (ಮೆ|| ಪಿ.ಎಫ್.ಸಿ, ನವದೆಹಲಿ ಇವರಿಂದ ಮಂಜೂರಾದದ್ದು) ಜಿಲ್ಲಾವಾರು ೭ ಪ್ಯಾಕೇಜುಗಳಲ್ಲಿ ಸಮಗ್ರ ಟರ್ನ್ ಕೀ ಆಧಾರದ ಮೇಲೆ ಪರ್ಯಾವಲೋಚನಾ ಸಮಿತಿ, ಇಂಧನ ಸಚಿವಾಲಯದ ನಿರ್ದೇಶನಗಳ ಪ್ರಕಾರ ಟೆಂಡರನ್ನು ಆಹ್ವಾನಿಸಿತು.
ತದನುಸಾರವಾಗಿ, ಭಾಗ-ಬಿಯ ಆರ್-ಎ.ಪಿ.ಡಿ.ಆರ್.ಪಿ. ಕಾಮಗಾರಿಯ ವಿವರವಾದ ಕಾರ್ಯಯೋಜನಾ ವರದಿಯನ್ನು ನಿಗದಿತ ಹಾಗೂ ಗುರಿ ಹೊಂದಿದ ಸಮಯದೊಳಗೆ ಪಟ್ಟಣವಾರು ಪೂರ್ಣಗೊಳಿಸಬೇಕೆಂದು ವಿತರಿಸಲಾಯಿತು.
೨೪ ತಿಂಗಳುಗಳ ಅವಧಿಗೆ ಮೂರು ಹಂತಗಳಲ್ಲಿ ಕಾಮಗಾರಿಯನ್ನು ನಿರ್ವಹಿಸತಕ್ಕದ್ದು. ವಿವರ ಹೀಗಿದೆ:

ಹಂತ-೧ :

  • ಹೊಸ ೧೧ಕೆವಿ ಮಾರ್ಗ/ ಫೀಡರುಗಳನ್ನು ಪ್ರತ್ಯೇಕಿಸಲು ಸಂಪರ್ಕ ಮಾರ್ಗವನ್ನು ಅಳವಡಿಸುವುದು.
  • ೧೧ಕೆವಿ ಏರಿಯಲ್ ಬಂಚ್ ಕೇಬಲನ್ನು ಒದಗಿಸುವುದು.
  • ೧೧ಕೆವಿ ಫೀಡರುಗಳನ್ನು ಕೊಯಟ್ ವಾಹಕದಿಂದ ಪುನರ್ ವಾಹಕಗೊಳಿಸುವಿಕೆ.
  • ೧೧ಕೆವಿ ಫೀಡರುಗಳನ್ನು ರ್‍ಯಾಬಿಟ್ ವಾಹಕದಿಂದ ಪುನರ್ ವಾಹಕಗೊಳಿಸುವಿಕೆ.
  • ೨೫ ಕೆವಿಎ ಪರಿವರ್ತಕಗಳನ್ನು ೬೩ ಕೆವಿಎ ವಿತರಣಾ ಪರಿವರ್ತಕಗಳಿಂದ ಉನ್ನತೀಕರಿಸುವುದು.
  • ೬೩ ಕೆವಿಎ ಪರಿವರ್ತಕಗಳನ್ನು ೧೦೦ ಕೆವಿಎ ವಿತರಣಾ ಪರಿವರ್ತಕಗಳಿಂದ ಉನ್ನತೀಕರಿಸುವುದು.
  • ೧೦೦ ಕೆವಿಎ ಪರಿವರ್ತಕಗಳನ್ನು ೨೫೦ ಕೆವಿಎ ವಿತರಣಾ ಪರಿವರ್ತಕಗಳಿಂದ ಉನ್ನತೀಕರಿಸುವುದು.
  • ಎಲೆಕ್ಟ್ರೋಮೆಕ್ಯಾನಿಕಲ್ ಮಾಪಕಗಳನ್ನು ಸ್ಟಾಟಿಕ್ ಮಾಪಕಗಳಿಂದ ಬದಲಾಯಿಸುವುದು.
  • ಆಟೋ ರೀಕ್ಲೋಸರುಗಳನ್ನು ಅಳವಡಿಸುವುದು.
  • ಸೆಕ್ಷನಲೈಸರುಗಳನ್ನು ಒದಗಿಸುವುದು.

ಹಂತ-೨ :

  • ಹೊಸ ವಿತರಣಾ ಪರಿವರ್ತಕ ಕೇಂದ್ರಗಳ ಸ್ಥಾಪನೆ.
  • ಹೊಸ ಎಲ್.ಟಿ.ಮಾರ್ಗ/ಹೆಚ್ಚುವರಿ ಸರ್ಕ್ಯುಟುಗಳನ್ನು ಅಳವಡಿಸುವುದು.
  • ಎಲ್.ಟಿ.ಮಾರ್ಗಗಳನ್ನು ಪುನರ್ ವಾಹಕಗೊಳಿಸುವುದು.
  • ಎಲ್.ಟಿ.ಏರಿಯಲ್ ಬಂಚ್ ಕೇಬಲನ್ನು ಅಳವಡಿಸುವುದು.

ಹಂತ-೩ :

  • ೧೧ಕೆವಿ, ೫೦hz ೫೦೦ ಕೆವಿಎ ವಿತರಣಾ ಪರಿವರ್ತಕದ ಸಹಿತ ಟ್ರಾಲಿ ಮೌಂಟೆಡ್ ಸಾಮರ್ಥ್ಯದ ಸಣ್ಣ ಉಪಕೇಂದ್ರದ ಸ್ಥಾಪನೆ.
  • ಎಲ್.ಟಿ.ಮಾರ್ಗದಲ್ಲಿ ೨ ತಂತಿಗಳ ಒಂದು ಫೇಸನ್ನು ೫ ತಂತಿಗಳ ೩ ಫೇಸಿಗೆ ಪರಿವರ್ತಿಸುವುದು.
  • ಎಲ್.ಟಿ.ಮಾರ್ಗದಲ್ಲಿ ೩ ತಂತಿಗಳ ಒಂದು ಫೇಸನ್ನು ೫ ತಂತಿಗಳ ೩ ಫೇಸಿಗೆ ಪರಿವರ್ತಿಸುವುದು.
  • ಎಲ್.ಟಿ.ಮಾರ್ಗದಲ್ಲಿ ೪ ತಂತಿಗಳ ಒಂದು ಫೇಸನ್ನು ೫ ತಂತಿಗಳ ೩ ಫೇಸಿಗೆ ಪರಿವರ್ತಿಸುವುದು.
  • ದುರಸ್ತಿ ಹಾಗೂ ನಿರ್ವಹಣಾ ಕೆಲಸಗಳು.